Azərbaycan UEFA reytinqində 26-cı pillədə qaldı
Azərbaycanın klublarının bu həftə avrokuboklarda qazandığı uğurlu nəticələr ölkənin UEFA əmsallar reytinqində mövqeyinə təsir etməyib.
Xeberhub.com xəbər verir ki, Azərbaycan son beş mövsüm üzrə nəticələrin hesablandığı UEFA reytinqində 21.687 xalla 26-cı sırada yer alır. Ölkəmizi avrokuboklarda hazırda iki klub təmsil edir.
Azərbaycanın ən yaxın rəqiblərindən Sloveniya 22.718 xalla 25-ci pillədə qərarlaşıb. 27-ci yerdə olan Bolqarıstanın isə 20.437 xalı var. Həm Sloveniya, həm də Bolqarıstan avrokuboklarda mübarizəni bir klubla davam etdirir.
UEFA reytinqinin lideri isə 101.852 xalla İngiltərədir.
Bu həftə keçirilən oyunlarda Azərbaycan klubları uğurlu nəticələr əldə ediblər. Çempionlar Liqasında mübarizə aparan “Sabah” Bakıda Danimarkanın “Orhus” komandasını 4:0 hesabı ilə məğlub edib. Konfrans Liqasında isə “Qarabağ” Ukraynanın “Dinamo Kiyev” klubuna 2:0 hesabı ilə qalib gəlib.
Bu nəticələrdən sonra hər iki Azərbaycan təmsilçisi pley-off mərhələsinə yüksəlib.
Azərbaycan cari mövsüm üzrə UEFA əmsallarında 3.125 xal toplayıb və bu göstərici ilə yalnız Latviyadan geri qalır. Ölkəmizin xal hesabına “Sabah” 1.250, “Qarabağ” 1.000, “Zirə” 0.625, “Neftçi” isə 0.250 xal əlavə edib.
