Bakıda növbəti genişmiqyaslı iməcilik zamanı küçə və prospektlər, parklar, dayanacaqlar və digər ictimai ərazilər təmizlənib. Şəhərin yaşıllıq sahələrində də qulluq və abadlıq işləri aparılıb.
Xocavəndin Qızılqaya kəndində minalardan təmizlənməmiş ərazidə buldozer minaya düşüb. Hadisə zamanı sürücü xəsarət almayıb. Faktla bağlı araşdırma aparılır.
Dövlət Gömrük Komitəsində struktur islahatları aparılıb. Kibertəhlükəsizlik şöbəsi ləğv edilərək onun əvəzində idarə yaradılıb. Yeni qurumun rəisi vəzifəsinə Turqut Vəliyev təyin olunub.
Qaradağ rayonunun Lökbatan qəsəbəsində qazıntı işlərindən sonra yolun bərpa olunmaması sakinlərin narazılığına səbəb olub. Daralan yol nəqliyyatın hərəkətini çətinləşdirir, tıxac və qəza riskini artırır. Problemlə bağlı verilən vədlərə baxmayaraq, yol hələ də təmir edilməyib.
İctimai TV-nin məlumatına görə, bu il Xəzər sahilində Novxanı, Türkan, Şüvəlan, Şıx və Corat istiqamətlərində ümumilikdə 10 yeni ictimai çimərlik istifadəyə verilib.