ABŞ qırıcıları qadağan olunmuş hava məkanına daxil olan təyyarəni ələ keçirdi
ABŞ Hərbi Hava Qüvvələrinə məxsus F-16 qırıcıları Ohayo ştatının Cenevrə şəhəri üzərində tətbiq edilən müvəqqəti uçuş məhdudiyyətlərini pozan təyyarəni ələ keçirib.
Xeberhub.com xəbər verir ki, Oxu.Az-ın məlumatına görə, bu barədə Şimali Amerika Aerokosmik Müdafiə Komandanlığının (NORAD) “X” sosial şəbəkəsindəki rəsmi hesabında məlumat yayılıb.
NORAD bildirib ki, ümumi təyinatlı aviasiya təyyarəsi Cenevrə şəhəri üzərində müəyyən edilmiş müvəqqəti uçuş məhdudiyyətlərini pozub. Hadisəyə cavab olaraq NORAD-a məxsus F-16 qırıcıları havaya qaldırılıb və hava gəmisinin qarşısı alınıb.
Məlumata görə, qaydaları pozan təyyarə qadağan olunmuş ərazidən təhlükəsiz şəkildə kənarlaşdırılıb.
Qeyd edək ki, ABŞ Prezidenti Donald Tramp bir müddət əvvəl sözügedən ərazidə olub. Bu səbəbdən bölgənin hava məkanında müvəqqəti uçuş məhdudiyyətlərinin tətbiq edildiyi bildirilir.
