İran ABŞ-la danışıqları davam etdirir
İran ABŞ-la vasitəçilər üzərindən aparılan müzakirələrin davam etdiyini açıqlayıb.
Xeberhub.com xəbər verir ki, bu barədə İranın Tailanddakı səfiri Nəsrəddin Heydəri TASS müxbirinə müsahibəsində bildirib.
Səfirin sözlərinə görə, Tehran üçün diplomatik yolların üstün tutulması əsas prioritet olaraq qalır. O qeyd edib ki, vasitəçilərin iştirakı ilə keçirilən danışıqlar dayandırılmayıb.
Heydəri bildirib ki, əsas məsələ ABŞ tərəfinin danışıqlar çərçivəsində üzərinə götürdüyü öhdəliklərə nə dərəcədə sadiq qalacağıdır.
Diplomatik səylərin davam etdirilməsinə baxmayaraq, İranın ölkənin müdafiəsinə hazır vəziyyətdə qaldığı da vurğulanıb.
