İsveçrədə quraqlıq səbəbindən su istifadəsinə məhdudiyyətlər tətbiq edilir
İsveçrənin bir sıra kantonlarında davam edən isti hava və quraqlıq su ehtiyatlarının azalmasına səbəb olub. Bununla əlaqədar müxtəlif bölgələrdə suyun istifadəsinə məhdudiyyətlər qoyulmağa başlanıb.
Xeberhub.com xəbər verir ki, bəzi kantonlarda fərqli qadağalar qüvvəyə minib.
Arqau kantonunda qazonların sulanması, hovuzların doldurulması və avtomobillərin yuyulmasına icazə verilmir. Oxşar məhdudiyyətlər Bazel kantonunda da tətbiq olunub.
Bununla yanaşı, bir sıra ərazilərdə çay və bulaq sularından istifadə qadağan edilib. Bu vəziyyət xüsusilə kənd təsərrüfatı ilə məşğul olan fermerlər üçün ciddi çətinliklər yaradıb.
Su çatışmazlığının kəskinləşdiyi bəzi kantonlarda içməli su traktorlara qoşulan sisternlər vasitəsilə daşınır.
Quraqlıq və yüksək temperaturun ekosistemə də mənfi təsir göstərdiyi bildirilir. Ayrı-ayrı ərazilərdə balıqların kütləvi tələf olması, həmçinin meşələrin vəziyyətinin pisləşməsi müşahidə edilir.
