Müctəba Xameneinin yayılan videosu ilə bağlı yeni məlumat
Xeberhub.com xəbər verir ki, İranın ali rəhbəri Müctəba Xameneinin İran mediasında yayılan videosunun onun ölkənin ali rəhbəri seçilməsindən əvvəl çəkildiyi bildirilib.
Oxu.Az-ın TASS-a istinadən yaydığı məlumata görə, bu barədə İrandakı mənbə məlumat verib.
Mənbə eyni zamanda Müctəba Xameneinin səhhətinin yaxşı olduğunu bildirib. Onun sözlərinə görə, Xameneinin uzun müddətdir ictimaiyyət qarşısında görünməməsinin əsas səbəbi təhlükəsizlik məsələləridir.
“O sağlamdır və ictimaiyyət qarşısında görünməməsinin yeganə səbəbi təhlükəsizliklə bağlıdır”, – deyə mənbə vurğulayıb.
Müctəba Xameneinin ictimaiyyət qarşısında az görünməsi son dövrlərdə onun səhhəti ilə bağlı müxtəlif iddiaların yayılmasına səbəb olub. Reuters də avqustun 9-da Xameneinin iyulun sonlarında İran Prezidenti Məsud Pezeşkianla görüşdüyünü və onun səhhəti ilə bağlı şayiələrin fonunda ictimaiyyət qarşısında görünmədiyini yazıb.
