Rusiyada “Wildberries” logistika mərkəzinə hücum edilib – güclü yanğın başlayıb
Rusiyanın Voronej şəhərində yerləşən “Wildberries” logistika mərkəzinə gecə saatlarında hücum edildiyi bildirilir. Hadisədən sonra obyektin ərazisində güclü yanğın baş verib.
Xeberhub.com xəbər verir ki, Oxu.Az-ın “Unian” agentliyinə istinadən yaydığı məlumata görə, yanğın nəticəsində logistika mərkəzinin binası ciddi zərər görüb.
Yerli sakinlərin bildirdiklərinə və sosial şəbəkələrdə yayılan görüntülərə əsasən, obyekt faktiki olaraq tamamilə yararsız vəziyyətə düşüb.
Hadisə zamanı logistika mərkəzində çalışan işçilərin təxliyə edildiyi qeyd olunub.
Hücumun səbəbləri və hadisənin digər təfərrüatları barədə hələlik əlavə məlumat verilməyib.
