“Şəmkir” stansiyasında Gürcüstandan Bakıya gələn yük qatarının bir vaqonunda kükürd tozunun tüstülənməsi baş verib. FHN əməkdaşları hadisəni qısa müddətdə aradan qaldırıb.
Ağdamın Mərzili kəndində açıq ərazidə yanğın baş verib. FHN-in qüvvələri hadisə yerinə cəlb olunub. Yanğının mina təhlükəsi olan ərazilərə də yayıldığı bildirilir.
Almaniyanın Şimali Reyn-Vestfaliya torpağında baş verən meşə yanğını səbəbindən Qay kəndinin 1800-ə yaxın sakini təxliyə edilib. Təxminən 25 hektar ərazi yanır və bölgədə böhran qərargahı yaradılıb.
Ağsu, Cəlilabad, Sabirabad və Saatlı rayonlarında yanğın törətməkdə şübhəli bilinən beş nəfər müəyyənləşdirilib. Yanğınlar nəticəsində ümumilikdə 2 hektara yaxın əkin sahəsi və kol-kos yanıb.
Cəlilabad, Goranboy, Oğuz və İsmayıllı rayonlarında baş verən yanğınlarla bağlı dörd nəfər müəyyən edilib. Hadisələr nəticəsində ümumilikdə 9 hektara yaxın biçilmiş əkin sahəsi və kol-kos yanıb.
Saatlının Musalı kəndində qəsdən yanğın törədən şəxsin kimliyi müəyyənləşdirilib. Yanğın nəticəsində quru otlaq sahəsi yanıb və hadisəni törədən şəxs barəsində hüquqi tədbir görülüb.
Yasamal rayonunda açıq sahədə baş verən yanğın FHN əməkdaşlarının operativ müdaxiləsi nəticəsində geniş əraziyə yayılmadan söndürülüb.
Xətai rayonunun Orxan İsmayılov küçəsində baş verən güclü yanğın FHN əməkdaşlarının müdaxiləsi ilə qısa müddətdə söndürülüb.
Tehran əyalətindəki Nəsirabad sənaye şəhərciyində alışqan və qaz istehsal edən müəssisədə yanğın baş verib. Hadisə nəticəsində bir nəfər həyatını itirib, beş nəfər yaralanıb.
Sumqayıtın Koroğlu prospektində avtomobil təmiri sexi və ehtiyat hissələri mağazasında yanğın baş verib. Alov 60 kvadratmetr sahəni əhatə edib, xəsarət alan olmayıb.
Cəbrayıl rayonunun Horovlu və Quycaq kəndləri ərazisində baş verən açıq sahə yanğını FHN əməkdaşlarının operativ müdaxiləsi nəticəsində söndürülüb.
Laçın şəhərində kolluq və quru otların yanması nəticəsində baş verən yanğın yaşayış evlərinə keçmədən söndürülüb. Hadisə zamanı 200 kvadratmetr ərazi yanıb.