Kolumbiyada güclü zəlzələdən sonra sunami təhlükəsi yoxdur
Kolumbiyanın Sakit okean sahillərində 7,4 maqnitudalı güclü zəlzələdən sonra sunami təhlükəsinin olmadığı açıqlanıb.
Xeberhub.com xəbər verir ki, Oxu.Az-ın məlumatına görə, bu barədə Kolumbiyanın Təbii Fəlakət Risklərinin İdarə Edilməsi üzrə Milli Xidməti “X” sosial şəbəkəsində məlumat yayıb.
Kolumbiyanın Baş Dəniz İdarəsinin məlumatına əsasən, zəlzələ Bakı vaxtı ilə saat 16:34-də Çoko departamentinin San-Xose-de-Palmar şəhərindən təxminən 20 kilometr məsafədə qeydə alınıb.
Qurum bildirib ki, 7,4 maqnitudalı zəlzələyə baxmayaraq, ölkənin Sakit okean sahilləri üçün sunami təhlükəsi müəyyən edilməyib.
