Zelenski: Ukrayna Donbasdan geri çəkilməyəcək
Xeberhub.com xəbər verir ki, Axar.az-ın yaydığı məlumata görə, Ukrayna Prezidenti Vladimir Zelenski Rusiyanın qələbə elan etməsi üçün Donbas üzərində tam nəzarəti təmin etməli olduğunu bildirib.
Zelenskinin sözlərinə görə, Ukrayna Donbasdan geri çəkilməyəcək. O qeyd edib ki, Rusiyanın bundan sonra daha irəli getməyəcəyinə dair heç bir zəmanət yoxdur.
Ukrayna Prezidenti müharibədən sonra Rusiyanın yenidən hücuma keçməsi ehtimalına da toxunub. O bildirib ki, belə bir vəziyyət yaranarsa, Ukraynanın ABŞ tərəfindən güclü təhlükəsizlik zəmanətləri olacaq.
Müharibənin necə başa çatacağı ilə bağlı danışan Zelenski hazırda həm Rusiya, həm də Ukraynanın atəşkəsə ehtiyac duyduğunu vurğulayıb. Onun sözlərinə görə, müharibənin hansı nəticə ilə başa çatacağını hazırda heç kim dəqiq bilmir.
