Politoloq Elxan Şahinoğlu ABŞ-ın Çini nüvə arsenalının məhdudlaşdırılması ilə bağlı danışıqlara cəlb etmək cəhdlərinin nəticəsiz qaldığını bildirib. Onun sözlərinə görə, Pekinin nüvə və ballistik raket potensialını artırması Vaşinqtonun Hind-Sakit okean regionunda hərbi strategiyasına ciddi təsir göstərir.
Milli Məclisin deputatı Səbinə Salmanova Azərbaycan-ABŞ münasibətlərində yeni mərhələnin formalaşdığını bildirib. O, Vaşinqton sammitindən sonra Ceyms Devid Vensin Bakıya səfərini və Strateji Tərəfdaşlıq Xartiyasının imzalanmasını iki ölkə arasında əməkdaşlığın institusional əsaslarının güclənməsi kimi qiymətləndirib.
Hikmət Hacıyev Vaşinqtonda Azərbaycan, ABŞ və Ermənistan liderlərinin üçtərəfli görüşünün birinci ildönümü ilə bağlı paylaşım edərək İlham Əliyevin həm müharibəni, həm də sülhü qazandığını vurğulayıb.
Donald Trampın 2025-ci ildə İlham Əliyev haqqında “Onunla düşmən olmaq istəməzsiniz” ifadəsini işlətməsi iki lider arasındakı münasibətlərin diqqət çəkən məqamlarından biri olub. Son bir ildə qarşılıqlı etimad və siyasi dəstəyin Azərbaycan-ABŞ əlaqələrinə yeni dinamika gətirdiyi vurğulanır.
Gürcüstanın Baş naziri İrakli Kobaxidze 2008-ci il Rusiya-Gürcüstan müharibəsinin genişmiqyaslı mərhələyə keçməsində Saakaşvili hakimiyyətinin Tsxinvalıya hücumunu əsas səbəb kimi göstərib.
Milli Məclisin deputatı Rizvan Nəbiyev 8 avqust 2025-ci ildə Vaşinqtonda keçirilən Azərbaycan-ABŞ-Ermənistan görüşünün regionda yeni siyasi mərhələnin əsasını qoyduğunu bildirib. Deputat sülh prosesinin hüquqi müstəvidə tamamlanmasının, nəqliyyat və iqtisadi əlaqələrin inkişafının Cənubi Qafqazda davamlı sülh və əməkdaşlıq üçün yeni imkanlar yaradacağını qeyd edib.
Ermənistanın Baş naziri Nikol Paşinyan Azərbaycan Prezidenti İlham Əliyevə telefonla zəng edib. Tərəflər Vaşinqton Sülh Sammitinin ildönümünü, sülh prosesində əldə olunan irəliləyişi, iqtisadi-ticari əlaqələri və TRIPP marşrutunun icrasını müzakirə ediblər.
Rusiyanın Samara vilayətində sənaye müəssisəsi PUA hücumuna məruz qalıb. Krasnodar diyarında PUA qalıqlarının düşməsi nəticəsində İlski neft emalı zavodunda yanğın baş verib və beş nəfər xəsarət alıb. Tula vilayətində isə yeddi PUA-nın məhv edildiyi açıqlanıb.
Milli Məclisin deputatı Arzuxan Əlizadə 8 avqust 2025-ci ildə Vaşinqtonda keçirilən Azərbaycan, Ermənistan və ABŞ liderlərinin görüşünü Cənubi Qafqazın siyasi tarixində mühüm hadisə kimi qiymətləndirib. O, sülh sazişinin razılaşdırılmış mətninin paraflanmasını və Birgə Bəyannamənin imzalanmasını xüsusi qeyd edib.
Fransanın xarici işlər naziri Jan-Noel Barro 2027-ci il prezident seçkiləri ərəfəsində ölkənin xarici müdaxilə cəhdlərinə dözməyəcəyini bildirib. Fransa hakimiyyəti bəzi namizədlərə qarşı aparılan dezinformasiya kampaniyalarının xaricdən idarə olunduğunu açıqlayıb.
Maliyyə Nazirliyinin hesabatına görə, iyulun 1-nə Azərbaycanda vergi borcları 4 milyard 50,4 milyon manata çatıb. Bu göstərici ilin əvvəlindən 22,4 faiz, son bir ildə isə 15,9 faiz artıb.
İranın Mircavə şəhərində hərbi obyektin yaxınlığında baş verən partlayış nəticəsində bir neçə hərbçinin öldüyü, bir neçə nəfərin yaralandığı bildirilir. Hadisə ilə bağlı rəsmi açıqlama verilməyib.