İndoneziyada 7,7 maqnitudalı zəlzələ: ölənlərin sayı 38-ə çatıb
İndoneziyada baş verən 7,7 maqnitudalı güclü zəlzələ nəticəsində ölənlərin sayı 38 nəfərə yüksəlib.
Xeberhub.com xəbər verir ki, zəlzələ ilə bağlı son məlumat Asiyanın Təbii Fəlakətlərin İdarə Olunması üzrə Milli Agentliyinin rəhbəri tərəfindən açıqlanıb.
Daha əvvəl zəlzələ nəticəsində ölənlərin sayının 20 nəfərə çatdığı, 6 nəfərin xəsarət aldığı və 2 şəxsin dağıntılar altında qaldığı bildirilmişdi.
İlkin məlumatlara əsasən, zəlzələ Flores adasının şimal sahilləri, cənub rayonları, adaları və cənub bölgəsində hiss olunub. Əhaliyə sahil xəttindən uzaqlaşmaq və təhlükəsiz ərazilərə təxliyə olunmaq tövsiyə edilib.
Zəlzələnin episentri təxminən 188 min nəfərin yaşadığı Labuan-Baco şəhərindən 161 kilometr şimal-şərqdə, 35 kilometr dərinlikdə yerləşib.
Güclü yeraltı təkanlardan sonra bölgədə sunami xəbərdarlığı elan olunub.
