NORAD-a məxsus F-16 qırıcıları Ohayo ştatının Cenevrə şəhəri üzərində uçuş məhdudiyyətlərini pozan ümumi təyinatlı təyyarənin qarşısını alıb. Hava gəmisi daha sonra qadağan olunmuş ərazidən təhlükəsiz şəkildə uzaqlaşdırılıb.
Naxçıvan şəhərində Bakı Bus MMC-yə məxsus yeni elektrik avtobus parkı istifadəyə verilib. Park 112 avtobus üçün nəzərdə tutulub və ilkin mərhələdə 60 BYD elektrik avtobusu sərnişinlərə xidmət göstərəcək. Layihə nəticəsində 222 nəfər işlə təmin olunub.
Almaniyada son illər ərzində hərbi obyektlərin hava məkanında yüzlərlə şübhəli PUA qeydə alınıb. Bundesver nümayəndəsi ölkənin eyni zamanda kiberhücum, casusluq və digər hibrid təhdidlərlə qarşılaşdığını bildirib.
Krasnodar diyarına gecə saatlarında yüzlərlə PUA ilə hücum edildiyi bildirilir. Novorossiyskdə səkkiz yaşlı uşaq da daxil olmaqla iki nəfər ölüb, səkkiz nəfər yaralanıb. PUA qalıqları yaşayış binalarına və müəssisələrə ziyan vurub.
Danimarkanın Orhus şəhərində reklam kampaniyası çərçivəsində parkda yerləşdirilən Vladimir Putin büstünün başı kəsilərək oğurlanıb. “Radio4” itirilən hissənin axtarışına başlayıb.
Prezident İlham Əliyevin sərəncamı ilə Naxçıvanda ümumi uzunluğu 420 kilometr olan avtomobil yollarının əsaslı təmiri üçün 70 milyon manat ayrılıb. Təmir işləri 26 yaşayış məntəqəsini və 156,3 min nəfər əhalini əhatə edəcək.
Prezident İlham Əliyevin sərəncamı ilə Naxçıvan Muxtar Respublikasının sosial-iqtisadi inkişafı üçün ümumilikdə 258 milyon manat ayrılması nəzərdə tutulur. Vəsait enerji, yol, nəqliyyat, təhsil, yaşayış binaları və istilik sistemlərinin yenilənməsinə yönəldiləcək.
Avqustun 11-də Almaniyadan 37 Azərbaycan vətəndaşı geri qəbul edilib. Proses Azərbaycan ilə Avropa İttifaqı arasında readmissiya haqqında saziş əsasında həyata keçirilib.
ABŞ dövlət katibi Marko Rubio hərbi bazaların üzərində müşahidə edilən mənşəyi bilinməyən uçan obyektlərlə bağlı məlumatların ciddi araşdırılmasının vacib olduğunu bildirib. Rubio obyektlərin mənşəyindən xəbərsiz olduğunu və məsələyə sui-qəsd nəzəriyyəsi kimi yanaşmadığını deyib.
Dövlət Vergi Xidməti proqram təminatının alınması və təkmilləşdirilməsi üçün ehtimal olunan dəyəri 1 milyon 112 min manat olan açıq tender elan edib. Layihəyə veb-interfeysin inkişafı və “AKTUM” sistemi ilə inteqrasiya işləri daxildir.
MOSSAD-ın keçmiş rəhbəri Yossi Kohen agentlərin İranın Fordodakı nüvə obyektinə dəfələrlə baş çəkərək onun fəaliyyəti barədə məlumat topladığını iddia edib.
Bab əl-Məndəb boğazı yaxınlığında Səudiyyə Ərəbistanına məxsus yük gəmisinin ballistik raketlə vurulduğu bildirilib. Hücum nəticəsində iki Pakistan vətəndaşı və bir İndoneziya vətəndaşı olmaqla üç heyət üzvü ölüb.