İranın iyulun 21-də Küveyt və İordaniyaya raket zərbələri endirdiyi bildirilir. "Azad İran" Telegram kanalının məlumatına görə, raketlərdən biri İordaniyadakı Muvaffaq Əl-Salti aviabazasında şəxsi heyətin yerləşdiyi sahəyə düşüb.
Qaradağ rayonunun Sahil qəsəbəsində dənizdə batmaq təhlükəsi ilə üzləşən 1957-ci il təvəllüdlü şəxs FHN əməkdaşları tərəfindən xilas olunub. Hadisə nəzarətsiz çimərlik ərazisində baş verib.
Rusiya Xarici İşlər Nazirliyi Moldovanın Rusiyadakı səfiri Lilian Dariyi nazirliyə çağırıb. Moskva Kişineunu Vyana Konvensiyasının tələblərini pozmaqda ittiham edərək rəsmi etirazını diplomatik nümayəndəyə təqdim edib.
Bakının Zabrat qəsəbəsində təkər tullantılarının saxlanıldığı ərazidə yanğın baş verib. Hadisə yerinə FHN-in yanğınsöndürmə qüvvələri cəlb olunub və alovun söndürülməsi istiqamətində işlər davam edir.
Pentaqon İranla bağlı davam edən gərginlik səbəbindən müdafiə büdcəsini sürətlə xərcləyir. Bəzi vəsaitlərin iyulun sonuna qədər tükənə biləcəyi bildirilir. ABŞ Müdafiə Nazirliyi əlavə maliyyələşdirmə üçün Konqresə müraciət edib.
ABŞ və İran arasında qarşıdurmanın gücləndiyi, İranın hücumlarının İordaniyanı da əhatə etdiyi bildirilir. Son hücumlarda ABŞ hərbçiləri arasında itkilər və xəsarətlər qeydə alınıb.
