Avqustun 12-də baş verəcək Günəş tutulmasının Avropada günəş enerjisi istehsalını əhəmiyyətli dərəcədə azalda biləcəyi bildirilir. Bu vəziyyət enerji sisteminə əlavə yük yarada və elektrik enerjisi çatışmazlığını dərinləşdirə bilər.
Beyləqanda avqustun 6-da kanalda batan 21 yaşlı Amin Əhmədovun meyiti sudan çıxarılıb və aidiyyəti üzrə təhvil verilib.
Ukrayna Prezidenti Vladimir Zelenski Donbasdan geri çəkilməyəcəklərini açıqlayıb. O, Rusiyanın gələcək hücumunun qarşısının alınması üçün ABŞ-dan güclü təhlükəsizlik zəmanətlərinin vacibliyini vurğulayıb və hər iki tərəfin atəşkəsə ehtiyac duyduğunu bildirib.
Rusiyanın Dnepropetrovsk vilayətinin Pavloqrad şəhərində ticarət mərkəzinə hücumu nəticəsində azı 9 nəfərin yaralandığı bildirilir. Hadisənin nəticələrini əks etdirən görüntülər yayılıb.
ABŞ-nin İrana qarşı hərbi əməliyyatları fonunda Pentaqonun “Patriot” hava hücumundan müdafiə raketlərinin ehtiyatının 1,7 mindən aşağı düşdüyü bildirilir. Vaşinqton raket istehsalının sürətləndirilməsini tələb etsə də, ehtiyatların bərpasının iki ildən çox çəkə biləcəyi qeyd olunur.
Bolqarıstan Ukrayna səfirini ölkə hava məkanına daxil olaraq partlayan dronla bağlı izahat verməsi üçün çağırıb. Hadisə avqustun 8-də baş verib və dronun Ukraynaya məxsus “Maya” aparatı olduğu müəyyən edilib.
