newskiev.ru-nun məlumatına görə, Xəzər dənizində İran ticarət gəmisinə hücum nəticəsində bir nəfər ölüb, iki nəfər yaralanıb. İran hadisəni pisləyib və Ukraynanın Tehrandakı diplomatı XİN-ə çağırılıb.
İsrailin milli təhlükəsizlik naziri İtamar Ben-Qvirin evinin yaxınlığına pilotsuz uçuş aparatı düşüb. Dronun partlayıcı daşımadığı bildirilib, hadisə nəticəsində xəsarət alan olmayıb.
Mayk Tayson futbol tarixinin ən böyük oyunçusu kimi Dieqo Maradonanı seçib. Əfsanəvi boksçu Lionel Messiyə hörmət etdiyini desə də, Maradona ilə şəxsi dostluğunu əsas səbəb kimi göstərib.
Sumqayıtda dənizdə üç nəfər batıb. Onlardan birinin meyiti sudan çıxarılıb, iki nəfərin axtarışları isə FHN dalğıcları tərəfindən davam etdirilir.
Ağdamın Papravənd kəndi yaxınlığındakı minalanmış ərazidə baş verən yanğının söndürülməsinə əlavə qüvvələr cəlb olunub. FHN-in bir neçə rayon üzrə yanğından mühafizə bölmələri ərazidə əməliyyatları davam etdirir.
Baku TV-nin hazırladığı süjetdə Emin Hüseynovun yeni media layihəsində Azərbaycanla bağlı səsləndirilən fikirlər tənqid olunub. Materialda layihənin ilk buraxılışında Qarabağ, Qərbi Azərbaycan və demokratiya mövzularında aparılan müzakirələrə yer verilib.
