Ağdamın Papravənd və Maqsudlu kəndləri yaxınlığında açıq ərazidə yanğın baş verib. FHN-in bir neçə rayon üzrə yanğınsöndürən qüvvələri hadisə yerinə cəlb olunub. Minalanmış sahələr əməliyyatı çətinləşdirir.
Almaniyanın Qanderkese şəhərində yüngülmühərrikli təyyarə yaşayış binasının damına çırpılıb. Hadisə nəticəsində azı bir nəfər ölüb, daha bir şəxsin axtarışları davam edir.
Fabritsio Romanonun iddiasına görə, Leypsiqin gənc cinah oyunçusu Yan Diomand Realın əsas transfer hədəfinə çevrilib. Bildirilir ki, Madrid klubu futbolçu üçün 100 milyon avro ödəməyə hazırdır.
Oksford Universitetinin hazırladığı yeni Ebola peyvəndi ilk dəfə insan üzərində sınaqdan keçirilib. Bundibugyo ştamına qarşı hazırlanan preparatın təhlükəsizliyi 50 könüllünün iştirakı ilə qiymətləndiriləcək.
Volodimir Zelenski Ukraynanın Xəzər dənizindəki Rusiya gəmilərinə və Rusiyanın müxtəlif bölgələrində yerləşən hərbi obyektlərə uzaq məsafədən zərbələr endirdiyini açıqlayıb. Ukrayna Təhlükəsizlik Xidməti hücumlar zamanı bir sıra hərbi texnikanın və infrastrukturun məhv edildiyini bildirib.
Suriyada iki sərnişin avtobusunun iştirakı ilə baş verən ağır qəzada azı 35 nəfər ölüb, 30 nəfər yaralanıb. Yaralıların təxliyəsi üçün hadisə yerinə hərbi helikopterlər cəlb olunub.
