Rusiya ordusunun Zaporojyeyə endirdiyi zərbələr nəticəsində iki nəfər ölüb, doqquz nəfər yaralanıb. Hücum zamanı yaşayış binaları, avtomobillər və müəssisə ərazisi zərər görüb.
30 il əvvəl Bakıda taksi sürücüsü Gülməmməd Bayramovun qətli ilə bağlı təqsirləndirilən Şahin Cəlilov və Hidayət Qafarovun cinayət işi üzrə məhkəmə başlayıb. İş üzrə ilk baxış iclası iyulun 29-na təyin edilib.
Ukrayna Prezidenti Volodimir Zelenski ölkəsinin hazırda ildə 10 milyon dron istehsal etdiyini açıqlayıb. Onun sözlərinə görə, yaxın gələcəkdə bu göstəricinin 20 milyona çatdırılması planlaşdırılır.
Türkiyənin Muğla vilayətində baş verən meşə yanğınlarından biri hələ də nəzarət altına alınmayıb. Təhlükəsizlik məqsədilə Milas rayonunda yerləşən turizm obyektlərindən ümumilikdə 1120 nəfər təxliyə edilib.
ABŞ Prezidenti Donald Tramp İsrailin Livan və Suriyanın bəzi ərazilərindən geri çəkilməsinin bölgədə gərginliyi azalda biləcəyini bildirib. O, həmçinin Suriya rəhbərliyinin "Hizbullah"a qarşı əməliyyat keçirmək niyyətindən danışıb.
Cənubi Kipr Prezidenti Nikos Xristodulides NATO-ya üzvlüyün ölkəsinin strateji hədəfi olduğunu bildirib. Onun sözlərinə görə, hazırda siyasi şərait tam uyğun olmasa da, üzvlük üçün hazırlıq işləri davam etdirilir.
