Baş nazir Əli Əsədov Slovakiya Prezidenti Peter Pelleqrini ilə görüşüb. Görüşdə ikitərəfli əməkdaşlığın inkişafı, işğaldan azad edilmiş ərazilərdə həyata keçirilən layihələr və yeni birgə təşəbbüslər müzakirə olunub.
"Sağlam həmkar" minifutbol turnirinə yekun vurulub. Finalda Fövqəladə Hallar Nazirliyi İşçilərinin Həmkarlar İttifaqının komandası 2:1 hesabı ilə qalib gələrək turnirin çempionu olub.
Lamin Yamalın Barselona yaxınlığındakı evinə oğurluq məqsədilə daxil olmağa cəhd göstərilib. Təhlükəsizlik əməkdaşlarının vaxtında müdaxiləsi nəticəsində şübhəlilər hadisə yerindən qaçıb, polis araşdırmaya başlayıb.
FIFA-nın dünya çempionatının finalında böyük musiqi şousu keçirmək planı hissələrarası fasilənin 30 dəqiqəyə qədər uzanmasına səbəb ola bilər. Bu qərar IFAB-ın mövcud qaydaları ilə ziddiyyət təşkil etdiyi üçün futbol ictimaiyyətində müzakirələrə yol açıb.
Fransada isti hava fonunda suda boğulma halları artıb. Son bir aydan az müddətdə 142 nəfər həyatını itirib ki, bu da ötən ilin eyni dövrü ilə müqayisədə 20 faiz çoxdur. Ölüm hallarının əksəriyyəti nəzarətsiz su hövzələrində baş verib.
Praqa yaxınlığındakı Liditse qəsəbəsində iki avtobusun toqquşması nəticəsində 17 nəfər xəsarət alıb. Yaralılardan biri helikopterlə xəstəxanaya aparılıb, polis isə qəzanın səbəblərini araşdırır.
