Rumıniya sahilləri yaxınlığında ABŞ-dən Ukraynaya kömür daşıyan "Christiana B" yük gəmisində partlayış baş verib. İlkin ehtimallara görə, hadisəyə dəniz minası və ya PUA hücumu səbəb olub. Yaralanan yoxdur.
Peşəkar Futbol Liqasının ümumi yığıncağında Elxan Səmədov yekdilliklə yenidən PFL prezidenti seçilib. Eyni zamanda qurumun yeni İdarə Heyətinin tərkibi də təsdiqlənib.
Prezident İlham Əliyevin imzaladığı sərəncamlarla Rəşad Aslanov İtaliya, Malta və San Marinodakı səfir, eləcə də bir sıra beynəlxalq təşkilatlar yanında daimi nümayəndə vəzifələrindən geri çağırılıb. O, Azərbaycanın Türkiyədəki yeni səfiri təyin edilib.
Prezident İlham Əliyevin imzaladığı sərəncamlarla Rəşad Məmmədov Türkiyədəki səfir vəzifəsindən geri çağırılıb və Azərbaycanın Özbəkistandakı yeni səfiri təyin edilib.
Bakı Kommersiya Məhkəməsi Xalq Bankın müraciətini qismən təmin edərək Space TVnin digər banklardakı hesablarına 140 min ABŞ dollarından artıq məbləğdə həbs qoyub. Qərar əməkhaqqı və məcburi dövlət ödənişlərini əhatə etmir.
Prezident İlham Əliyev Kraudfandinq haqqında qanunu təsdiqləyib. Yeni qanun startapların və KOB subyektlərinin alternativ maliyyələşmə imkanlarını genişləndirməyi, eyni zamanda investorların hüquqlarının qorunmasını nəzərdə tutur.
