Ruslan Haciyev Dövlət Turizm Agentliyinin Quba Regional Turizm İdarəsinin rəisi təyin olunub. Müvafiq əmr Agentliyin sədri Fuad Nağıyev tərəfindən imzalanıb.
Space TV bank hesablarına həbs qoyulması ilə bağlı yayılan xəbərlərə münasibət bildirərək borcun əvvəlki rəhbərlik dövründə yarandığını açıqlayıb. Kanal hazırda islahatların aparıldığını və fəaliyyətini normal şəkildə davam etdirdiyini bəyan edib.
Milli Məclis ABŞ Konqresinin Xarici əlaqələr komitəsinin qəbul etdiyi H.R. 9087 saylı qanun layihəsini qərəzli adlandıraraq sənəddə Azərbaycana qarşı irəli sürülən ittihamları rədd edib və bunun sülh prosesinə mənfi təsir göstərə biləcəyini bəyan edib.
AQTA Bakının Xəzər rayonunda keçirilən yoxlama zamanı son istifadə tarixi dəyişdirilmiş və yararlılıq müddəti bitmiş 49 mindən çox alkoqolsuz içki aşkarlayıb. Faktla bağlı araşdırma aparılır.
Milli Hidrometeorologiya Xidməti iyulun 25-26-da gözlənilən güclü küləklə bağlı bir sıra rayonlar üçün sarı, Xaçmaz, Qusar və Şabran üçün isə narıncı xəbərdarlıq elan edib.
Rumıniya Hərbi Hava Qüvvələrinə məxsus F-16 qırıcısı ölkənin hava məkanına daxil olan PUA-nı vurub. Hadisə yaşayış olmayan ərazidə baş verib və araşdırma davam etdirilir.
