Xeberhub.com xəbər verir ki, "Qarabağ" - "Vestri" matçının Azərbaycanda canlı yayımlanması sual altındadır. Səbəb İslandiya klubunun yayım hüquqları ilə bağlı yüksək ödəniş və əlavə tələblər irəli sürməsidir.
Azərbaycanda tikinti obyektləri üçün məcburi parklanma kvotaları təsdiqlənib. Yeni qaydalara əsasən, yaşayış binalarında hər mənzil üçün bir yer ayrılmalı, böyük obyektlərdə isə sahəyə uyğun minimum parklanma sayı təmin edilməlidir.
Rusiyanın Saratov vilayətinin Engels şəhərinə PUA hücumu edildiyi bildirilir. Hücum nəticəsində hərbi aviabaza ərazisində yanğın olduğu, üç nəfərin yaralandığı və şəhərdə partlayış səslərinin eşidildiyi açıqlanıb.
İsrail ordusu Qəzzanın mərkəzi hissəsində HƏMAS-a aid olduğu bildirilən dörd silah anbarının vurularaq məhv edildiyini açıqlayıb. Ordunun məlumatına görə, anbarlarda müxtəlif növ silah və sursatlar saxlanılıb.
Azərbaycan Cüdo Federasiyası olimpiya çempionu Hidayət Heydərovu iki yarışda çəki normasını yerinə yetirə bilmədiyi və sosial şəbəkədəki paylaşımlarına görə intizam qaydasında cəzalandırıb. Federasiya cəzanın məzmununu açıqlamayıb.
Qubada antibiotik inyeksiyasından sonra səhhəti pisləşən 22 yaşlı Səbinə Əmrahova xəstəxanada vəfat edib. Hadisə nəticəsində bətnindəki döl də həyatını itirib. Faktla bağlı prokurorluq araşdırma aparır.
