ABŞ və İran İslamabad memorandumu çərçivəsində qüvvədə olan 60 günlük atəşkəsin uzadılması barədə razılığa gəliblər. Atəşkəsin müddəti avqustun 17-də başa çatır, lakin onun nə qədər uzadılacağı hələ müəyyən edilməyib.
Prezident İlham Əliyevin sərəncamı ilə Naxçıvan Muxtar Respublikasının sosial-iqtisadi inkişafı üçün ümumilikdə 258 milyon manat vəsait ayrılması nəzərdə tutulub. Vəsait enerji, yol-nəqliyyat, təhsil, mənzil və sosial infrastruktur layihələrinə yönəldiləcək. Zəngəzur dəhlizinin açılması isə Naxçıvanın regional nəqliyyat və iqtisadi əhəmiyyətini daha da artıra bilər.
“Qarabağ”ın baş məşqçisi Qurban Qurbanov “Dinamo Kiyev”lə cavab oyunu öncəsi komandasının uğurlu nəticə üçün mübarizə aparacağını bildirib. İlk görüşdə “Dinamo” 1:0 hesabı ilə qalib gəlib.
Milli Məclisin deputatı Sevinc Fətəliyeva Naxçıvanın TRIPP layihəsi və yeni nəqliyyat kommunikasiyaları hesabına gələcəkdə mühüm tranzit, logistika və enerji mərkəzinə çevrilə biləcəyini bildirib. Deputat layihənin Azərbaycan-Ermənistan sülh prosesinə və regionun iqtisadi inteqrasiyasına da mühüm təsir göstərəcəyini qeyd edib.
Xocavəndin Qızılqaya kəndi ərazisində minalardan təmizlənməmiş sahədə buldozer minaya düşüb. Hadisə zamanı iki nəfər xəsarət alıb və tibbi yardım göstərildikdən sonra evə buraxılıb.
Əfqanıstanın Herat şəhərində BMT-nin Əfqanıstana Yardım Missiyasının iki əməkdaşı qadınların kütləvi həbsi ilə bağlı hesabat hazırladıqdan sonra saxlanılıb. Hadisənin Talibanın kəşfiyyat orqanları tərəfindən törədildiyi bildirilir.
