İspaniyanın Qranada şəhəri yaxınlığında 5 bal gücündə zəlzələ baş verib. Bəzi ev və avtomobillərə ziyan dəyib, lakin ölən və yaralananlar barədə məlumat yoxdur.
İsrail ordusunun Livanın cənubuna endirdiyi bildirilən zərbələr nəticəsində 6 nəfərin öldüyü açıqlanıb. Hücumların “Hizbullah” infrastrukturuna qarşı həyata keçirildiyi bildirilir.
Hövsan qəsəbəsində mağazanın tavanı uçub. Hadisə zamanı xəsarət alan qadın xilasedicilər tərəfindən dağıntılar altından çıxarılaraq həkimlərə təhvil verilib.
Kolumbiyanın Kundinamarka əyalətində mədəndə baş verən partlayış nəticəsində altı mədənçi ölüb, bir nəfər xilas edilib. Fəaliyyəti təhlükəsizlik qaydalarının pozulmasına görə dayandırılan şaxtada qazıntı işlərinin niyə davam etdirildiyi araşdırılır.
Ukrayna Dövlət Sərhəd Xidməti Belarusun Ukrayna sərhədi yaxınlığında hərbi imkanlarını artırdığını bildirib. Andrey Demçenko vəziyyətin nəzarətdə saxlanıldığını və hazırda birbaşa hücum təhlükəsinin olmadığını qeyd edib.
Quba rayonunda 13 kilometr dərinlikdə 4.9 maqnitudalı zəlzələ baş verib. Təkanlar Azərbaycanın bir sıra şimal rayonlarında hiss olunub. FHN dağıntı və xəsarət barədə məlumatın olmadığını açıqlayıb.
